_0_5x.png)
Ngā Waiata
Welcome to our waiata bank , a virtual classroom for learning ngā waiata o Ngāti Rangitihi – the songs of Ngāti Rangitihi.
Kāore te aroha
Kāore te aroha Kāore te aroha ki te kororia tapu E wawae ake ana i te ara kuiti Nau mai e hine ka haere taua Kia Ihaia ki a monitatia Kia huihui tatou he korero hanganui Kia hopu kia iho te kupu a te Atua Kia awhi taua ki a Ihu Karaiti Kia muru a te hara i taku tinana nei
Tērā te Haeata
Tērā te haeata Hikitia i te ripa te tara ki te maunga Ki Ruawahia ra me tangi atu koe E au i konei to kino e Reha Tu kaha rawa koe te hoki te mahara Ki te ki a Arama kei hea he roto ru E tu ai te hae hei konei e te iwi Ka tu tenei ka rauna i Aotea E whawhai atu ana nga puke i te uru Ki Maungakawa ra ki a pa-tata ahau Kia Kingi Mahuta ka rere te patai Ka tuku te motini homai e pa O ture ki ahau ki to tūpuna ra Rangitihi whakahirahira na Kati ki a koe ka tiapu te haere ki te puke i Taranaki Kia Te Whiti ra e nau nei nga rongo E tipi i te motu homai e koro Te tika me te pono hei taonga moku E hoki ai ki te iwi na
E tama nā tau e
E tama nā tau e takoto mai ra koe I te anuanu i te mataotao e…..i Ka tuhi o toto Ka rarapa i te rangi he uira he kanapu te….. i Tohu o te Ariki Tera pea koe kei runga i te waitapu Kei te toka tu ki waho ra te…..i Kawa i aitu Te kawa ia maru i to atua ra na…..i Na koutou ra Kei whakahi ki te uru ki…..i Nga iwi nunui Kia peratia hauraki me ihumotomoto kia me…..i A maikukutea Na te ngaru i ta ki te one i pae ai e…..i Tona rite ia He hinga nga ika kei te akau He paenga whakairo Ki rotō o Kaiweka e…..i Te nui ati ue I a Te Aramoana nana i ue mai I maunu atu ai Te Puhi o Te Arawa e…..i Nga tapiri o rehua na
Ko Io te Timatanga
Ko Io te Timatanga Tuarua ko te Ao Tuatoru he tangata Ki nga korero I ahu mai a Te Arawa Mai i Hawaikinui Mai i Hawaikiroa Hawaiki pamamao Ki te mutunga Ka hoki ano Ki te hononga wairua I a Kupe nga waka E ono te heke nga nui e whitu e! Mai rano tae noa Ki tenei wa Atu ki te mutunga Ka tu nga maungatapu Hei whakaruruhau Ka rere nga roto Awa o Te Arawa Koropupu waiariki Ka pupuhi mai te hau Ka tu mataara i nga uri e! Na te tūpuna ko Rangitihi I heke iho mai nga pumanawa e waru Nga mokopuna a Te Arawa e!
E muri ahiahi
E muri ahiahi e〰️〰️〰️ takoto ki te.. moenga Nuku mai te wairua〰️ ka moe tāua Ka huri atu ōku whakaaro pou.. namu Ki ngā〰️ tara Ruawāhia Wāhanga, Tarawera e Ngā mau〰️nga tūpuna e tū kau mai rā Whakarewa i a rā〰️〰️ ki runga o Motutawa〰️ Ki a Tū〰️hourangi〰️ ki te iwi〰️ rā Whakarongo ki te tai〰️〰️ E tangi haere ana mō hau e Te Ramaapakura〰️ e Piki nau ake e tama ki tōu tini i te rangi I a Ti〰️onga i a Mokonuiarangi^ i a Ngā.. ti Rangitihi〰️ E rere e te ao〰️〰️ e kume i runga〰️ rā Ko au ki raro nei〰️ Ki ngā pā o Tāpahoro me Moura Maringi noa ngā roimata aroha〰️〰️ Ki te awa o Tarawera〰️ whakaririki ai te rae ki Te Awa o Te Atua〰️ e He pounga wai hoe mai nōu^ e Tūwharetoa〰️ e Tērā tō hikoitanga〰️〰️ ki a Rangiaohia〰️ Kai noa i te kai〰️ te uru ki roto〰️ rā Ka whanatu te aroha〰️〰️ i te pito ngākau〰️ Haere ana koe ngā maunga Whakapoukōrero^ Ōtamapiri^ Mōkaingārara〰️ e E tō e te rā〰️〰️ ki runga o Umutahi〰️ Takoto ai te marino〰️ horahia i waho〰️ rā e kore te aroha〰️〰️ e puritia〰️ me tuku tonu atu〰️ kia maringi me he wai〰️ e〰️